^

Metro

Isinasangkot sa masaker noong 2006… Ex-mayor ng Gapan, 3 pa arestado

Ricky Tulipat at Doris Franche-Borja - Pilipino Star Ngayon

MANILA, Philippines - Hawak na ng pamunuan ng Quezon City Police ang da­ting al­kalde ng Gapan, Nueva Ecija na wanted dahil sa umano’y pagiging mastermind sa pagma­saker ng lima katao noong 2006.

Ayon kay Chief Insp. Rodel Marcelo, hepe ng Criminal Investigation and Detection Unit ng QCPD, inihahanda na nila ang paglilipat sa  Manila Regional Trial Court Branch 8 na siyang naglabas umano ng arrest warrant laban kay  Natividad at itinuring na pangatlo sa most wanted persons sa Region 3 dahil sa umano’y pagpatay sa magkapatid na Ericson at Ebertson Pascual, Jessie Pablo, Carino Saning at Dr. Juanito Reyes noong nakaraang March 20, 2006 sa may Gapan Coliseum and Cockpit Arena, Brgy. Pambuan, Gapan City, Nueva Ecija.

Sasampahan naman nila ng kasong obstruct­ion of justice ang tatlong kasamahan nito na sina  Julian Calixto, 56; George Lazaro, 50, at dating miyembro ng kapulisan na si Romeo de Torres, 51.

Sa ulat ni PO2 An­thony Tejerero ng CIDU, naaresto si Natividad ng tropa ng Police Station 10 sa pamumuno ni Supt. Marcelino Pedrozo sa bisa ng warrant of arrest na ipinalabas ni Judge Felixberto Olalia­ Jr., na may petsang January­ 25, 2012 sa kasong murder.

Nahuli si Ernesto Natividad habang nagpapa-urinalysis sa Urology Center of the Philippines sa Maginoo St., Bgy. Central sa Quezon City, ganap na alas-11 ng umaga.

Nang aarestuhin ng mga operatiba si Natividad ay humarang ang tatlong alalay nito dahilan para magkaroon ng girian at tumagal ang paglabas ng una sa ospital.

Bagamat nangyari ang insidente sa Nueva Ecija, minabuti ng pamilya ng biktima na dalhin ang kaso sa Maynila sa takot na rin na lumala pa ang sitwasyon sa Nueva Ecija.

Sa kasalukuyan, pansamantalang nakapiit ang apat sa himpilan ng CIDU habang pinro-proseso ang mga dokumento laban sa kanila.

Samantala, habang sinusulat ang balitang ito ay tiniyak ng abogado ng respondent na mag­hahain sila ng mosyon sa Manila Regional Trial Court na dumidinig sa kasong multiple murder na kinakaharap ng dating mayor.

CARINO SANING

CHIEF INSP

CRIMINAL INVESTIGATION AND DETECTION UNIT

DR. JUANITO REYES

EBERTSON PASCUAL

ERNESTO NATIVIDAD

NATIVIDAD

NUEVA ECIJA

SHY

  • Latest
Latest
Latest
abtest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with