186-katao sugatan sa paputok
MANILA, Philippines - Umabot na sa 186-katao ang naitalang firecracker related injuries ng Department of Health (DOH) ilang oras pa lamang bago ang pagsalubong sa Bagong Taon.
Ayon kay Health Asst. Secretary Eric Tayag, chief ng National Epidemiology Center ng DOH, sa nasabing bilang ay 184 ang naputukan, isa ang tinamaan ng ligaw na bala habang isa naman ang nakalunok ng pulbura.
Nananatili pa rin ang National Capital Region (NCR) ang nakapagtala ng may pinakamataas na bilang ng biktima ng paputok na umaabot sa 91 o 40% ng kabuuang bilang.
Sa 184-katao na naputukan ay 107 ang naging biktima ng piccolo.
Noong pagsalubong sa 2012, umabot sa 234 ang bilang ng mga firecracker related injuries kung saan 224 ang biktima ng paputok, 8 ang tinamaan ng stray bullets at 2 naman dahil sa firework ingestion.
- Latest
