Mobile courts, palalakasin ng QC government

MANILA, Philippines - Plano ng pamahalaang lungsod Quezon  na magkaroon ng dalawang bus para mai-convert na  mobile courts na ikakalat para sa programang Justice on Wheels.

Kaugnay nito, inutos ni QC Mayor Herbert  Bautista kay City Administrator Victor Endriga na makipag-ugnayan kay Supreme Court Administrator Midas Marquez para maipa­tupad  ang  operationalization ng  mobile courts.

 “Personally, I look forward to seeing more mobile courts in the city to help facilitate the resolution of simple cases in Quezon City,” pahayag ni Bautista.

Sa kanyang panig, sinabi naman ni Endriga na ang kada bus ay may halagang P10 milyon. Inaasahan na mapapasi­mulan ang proyektong ito kasabay ng inagurasyon sa bagong QC Hall Justice  sa susunod na taon.