MANILA, Philippines - Dead-on-arrival sa Jose Reyes Memorial Medical Center (JRRMC) ang isang 30- anyos na lalaki matapos barilin ng hindi kilalang lalaki na nakasalubong niya sa Tondo, Maynila, kahapon ng umaga.
Kinilala ang biktima na si Ronald Guevarra, ng Antipolo St., Tondo, Maynila sanhi ng tama ng bala sa batok. Inilarawan lamang ang salarin sa taas na 5’2’’ at nakasuot ng t-shirt na kulay puti.
Naganap ang insidente dakong alas-9:20 ng umaga sa Daangbakal malapit sa kanto ng Batangas St., Tondo, Maynila.
Nauna rito, naglalakad umano ang biktima sa nasabing lugar nang makasalubong ang isang lalaki at paglampas ng biktima ay saka bumunot ng baril at pinaputukan ang una habang nakatalikod. Patuloy pa ang imbestigasyon sa insidente.