MANILA, Philippines - Rehas na bakal ang binagsakan ng 35-anyos na lalaki matapos arestuhin ng pulisya dahil sa pagdadala ng bawal na droga at baril kahapon ng madaling-araw sa panulukan ng Aurora Blvd. at St. Joan St. sa Brgy. Maricaban, Pasay City. Pormal na kakasuhan ang suspek na si Jasper Ondon ng Aurora Blvd. at Saint Joan St., Brgy. Maricaban, Pasay City. Nadakma ang suspek habang nagpapatrolya ang mga pulis kung saan sinita ito dahil sa kahina-hinalang kilos. Nang kapkapan ay natagpuan sa bulsa ang ilang gramo ng shabu at baril na walang kaukulang papeles.