Mga negosyante sa Mindanao kikilos na sa Tampakan project

MANILA, Philippines - Makikialam na ang sektor ng mga negosyante para mailigtas ang mga benepisyong matatamo sa panukalang Tampakan project.

“The Mindanao business sector has decided to step in because we do not want the benefits of this project put to waste. The proposed Tampakan project can contribute a solid 1 percent to the GDP and it is of Mindanao’s interest that we all help protect this investment,” ayon kay Vicente Lao, chairman ng Mindanao Business Council (MBC).

Aminado si Lao na napakaraming mga batas at regulasyon na ipinapasa at ipinatutupad na hindi “friendly” o hindi pabor sa mga negosyante sa Min­danao lalo sa industriya ng pagmimina.

Kamakailan, nagpadala ng mensahe ang MBC kay Environment Secretary Ramon Paje na nagpakita ng pagkadismaya nila sa desisyon ng kalihim na huwag pagkalooban ang Tampakan project ng environmental compliance certificate (ECC).

Ani Lao, kinikilala ng business sector sa Mindanao ang industriya ng pagmimina bilang “susing sektor sa pag-unlad” para sa Mindanao Development Agenda.