3 timbog sa shabu

MANILA, Philippines - Nasabat ng mga tauhan ng Philippine Drug En­forcement Agency (PDEA) ang 50 gramo ng shabu mula sa tatlong suspect sa isinagawang buy-bust operation sa isang fastfood chain sa panu­lukan ng P. Ocampo at F.B. Harrison­ Sts. sa Maynila­.

Nabatid na may street value na P300,000 ang nasabat na droga mula sa mga suspect na sina Mark Anthony­ Jacinto, Wilfredo Riquez at Myra Francisco, habang binebentahan ng shabu ang isang PDEA agent na nagpanggap na buyer.

Ayon sa mga awtoridad posibleng miyembro ng isang malaking drug trafficking syndicate ang mga suspect na itinuturong nasa likod ng pagtutulak ng shabu sa Metro Manila.

Nagsasagawa rin ng follow-up operation ang mga awtoridad upang agad na madakip at mabuwag ang mga utak nito. (Doris Franche at Ricky Tulipat)