MANILA, Philippines - Binaril at napatay ang isang taxi driver ng hinihinalang pasahero niyang holdaper sa Sta Cruz, Maynila kahapon ng madaling araw.
Nakilala ang biktima na si Rene Adaguio, ng K 1st St., Kamuning, Quezon City ay nadiskubreng patay sa loob mismo ng minamaneho niyang Tackle Transport Service (TXD-383) sanhi ng isang tama ng bala sa kaliwang bahagi ng dibdib dakong alas- 5:00 ng madaling-araw sa panulukan ng Ipil at Tayuman Sts. sa Sta Cruz.
Posibleng nairita ang suspect sa biktima nang walang maibigay na pera kaya ito binaril.
Napag-alaman pa na kalalabas pa lamang ng garahe ng nasawi at bago pa lamang ito mamamasada.