120 armas binili ng PDEA vs drug syndicates

MANILA, Philippines - Para matugunan ang pangangailangang armas, bumili ng may 120 mataas na kalibre ng armas mula sa Israel ang  Philippine Drug Enforcement Agency (PDEA) pangontra sa firepower ng mga  kilabot at big-time drug syndicate.

Nauna rito, limang araw na isinalang sa firearms training  ang ilang matataas na opisyal ng PDEA sa PDEA Academy, Silang Cavite, bilang paghahanda sa agarang pagtatalaga sa  mga operatiba ng PDEA gamit ang makabagong armas na binili ng ahensiya.

Sa pangunguna ni Senior Undersecretary Dionisio  R. Santiago, Director Gene­ral ng  PDEA, bi­nas­basan kahapon ang bagong TAVOR Assault Rifle CTAR 21 (Commander Tavor Assault Rifle) na ginanap sa  PDEA National Head­quarters.

Ang short barreled na TAVOR CTAR 21 ay assault rifle ay may sukat na standard NATO caliber 5.56 na bala at may (3) selective fire system, semi-automatic at  full-automatic system.

Ayon kay Santiago ang mga makabagong armas ay magbibigay ng malaking tulong sa kanilang kagawaran para mapalakas ang kanilang firepower laban sa anumang banta ng mga sindikato.