MANILA, Philippines - Isang bangkay ng 20-anyos na lalaki ang natagpuang lumulutang sa Manila Bay, sa bahagi ng Tondo, Maynila, kamakalawa ng hapon.
Ayon sa pulisya batay sa nakitang mga pasa sa braso at kamay ng biktimang si Arturo Palomar, posibleng sinalvage umano ito bagamat nagsasagawa pa ng masusing imbestigasyon sa insidente.
Una umanong iniulat ng Smokey Mountain-Police Community Precinct ang natagpuang bangkay ng ilang concerned citizen dakong alas-3 ng hapon na kinilala naman ng live-in partner nitong si Lysel Satelao.
Bago umano matagpuang patay ang biktima, nagtungo pa ito sa bahay ni Lysel sa Vitas St., Tondo at may ibinigay lamang na singsing sa ka-live-in at agad ding umalis.