Number coding suspendido simula ngayon

MANILA, Philippines - Suspendido simula sa araw na ito (Martes) ang “unified vehicular volume reduction pro­gram o number coding” ng Met­ro­­politan Manila De­velopment Authority (MMDA) para sa Se­mana Santa.

Sinabi ni MMDA Chair­man Oscar Ino­centes na ito’y upang bigyang daan ang ina­asahang paglabas sa Metro Manila ng libu-libong motorista na uuwi sa kanilang probinsya ngayong Holy Week.

Kaisa rin ang MMDA sa taunang “Oplan Semana­ Santa” ng pa­ma­halaan na pinangu­ngu­na­han ng Depart­ment of Transportation and Com­munications (DOTC), katuwang ang Philippine National Police (PNP), Armed Forces of the Philip­pines (AFP) at iba pang ahensya ng pama­halaan.

Magtatalaga ng higit 1,000 traffic enforcers ang MMDA sa mga pa­ngunahing lansangan sa Metro Manila parti­kular sa EDSA at sa iba pang “exit points”.

Nananawagan na­man ang MMDA sa pa­mu­nuan ng North Luzon Expressway at South Luzon Express­ way na magdagdag ng tauhan para mango­lekta ng toll fee lalo na sa rush hour upang hindi humaba   ang pila at makaapekto sa ibang mga kalsada ang trapik. (Danilo Garcia)