LBC branch hinoldap

MANILA, Philippines - Hinoldap ng dalawang armadong kalalakihan ang isang LBC forwarding branch na nasa panulukan ng J. Abad Santos at Antipolo Sts. sa Tondo, Maynila kung saan natangay ang 8,000 kita ng kompanya at mga gamit ng mga empleyado rito kahapon.

Sa ulat ni SPO3 Reynato Viray ng Manila Police District-Station 7, naganap ang panghoholdap dakong alas-12:35 ng hapon nang pasukin ng dalawang nagpanggap na kostumer ang nasabing sangay ng LBC.

Nagdeklara umano ng holdap ang mga suspek at hiningi sa kahera ang pera na tinatayang nasa P8,000 at ang cellphone ng dalawang empleyado nito. Walang security guard ang nasabing establisimento kaya mabilis na naisakatuparan ang krimen. (Ludy Bermudo)