MANILA, Philippines - Sugatan ang isang Amerikano, isang Finnish at isang Espanyol makaraang bumangga ang sinasakyan nilang SUV (sports utility vehicle) sa isang poste matapos manggaling sa gimikan, kamakalawa ng madaling-araw sa Makati City.
Nakilala ang mga dayuhan na sina David Scot Cases Nugend, 35; Erik Hannikinen, 44, tauhan ng Finland Embassy; at ang Espanyol na si Enrique Vasquez, 30.
Naganap ang aksidente sa kahabaan ng Mckinley Road, Forbes Park ng naturang lungsod dakong alas-2:30 ng madaling-araw. Binabagtas ng mga biktima sakay ng Durango SUV (ZGR-327) ang kahabaan ng Mckinley Road buhat sa The Fort, Taguig City nang mawalan ng kontrol at rumampa sa gutter saka sumalpok sa puno ng akasya. (Danilo Garcia)