People's Initiative laban sa oil depot ibinasura

MANILA, Philippines - Ibinasura nang tuluyan ng Commission on Elections ang petisyon ng ilang grupo na ku­mokontra sa pananatili ng mga oil depot sa Pandacan, Maynila.                              

Ito ang nabatid kay Manila Vice Mayor Francisco Moreno matapos na mapasakamay ang resolution ng Comelec na nagbabasura sa petisyon na magkaroon ng isang people’s initiative sa Maynila para malaman ang pulso ng mga residente kung dapat manatili ang oil depot sa Pandacan.

Target ng petisyon na ma­pawalambisa ang Ordinance 8187 na nagpapahintulot sa pa­nanatili ng oil depots sa Maynila. Ayon kay Moreno, hindi ki­na­tigan ng Comelec ang petisyon dahil hindi sapat ang lagda na nakuha ng con­cerned group na kumokontra sa oil depot para makapag­daos ng isang people’s ini­tiative. (Doris Franche)