Bangkay ng sanggol lumutang sa ilog
October 7, 2009 | 12:00am
MANILA, Philippines - Natagpuan ang lulutang-lutang na naaagnas na bangkay ng isang sanggol na lalaki kahapon sa isang ilog sa Malabon City.
Tinatayang nasa 5 hanggang 6 na buwan ang sanggol na nakahubad na dinala na sa Marcelo Funeral Homes.
Sa ulat, alas-12:30 ng tanghali nang makitang lumulutang ang sanggol sa ilog na nasa sa C-4 Road, Brgy. Longos ng lungsod na ito.
Lumalabas na tatlong araw nang patay ang biktima at naaagnas na ito.
Patuloy pa ring iniimbestigahan ang nabanggit na kaso at inaalam pa ng pulisya kung sino ang mga magulang ng sanggol. (Lordeth Bonilla)
BrandSpace Articles
<
>
- Latest
- Trending
Trending
Latest
