MANILA, Philippines - Tatlong miyembro ng isang malaking robbery-holdup syndicate ang nadakip kamakailan sa tulong ng isa sa closed circuit television na nakakabit o nakakalat sa Maynila.
Sa pinagsanib na pwersa ng District Police Intelligence Operations Unit na pinamumunuan ni Senior Ins. Audie Madrideo, Special Weapons and Tactics at Police Station 5 ng Manila Police District, nadakip noong Marso 18 sa Ermita, Taft Avenue, Manila ang mga suspek na sina Alfredo Mondares na unang nagpangggap bilang “Major Mark Castro ng Intelligence Service of the Armed Forces of the Phils.; Pamela Gio at Reynante Roquero. Inaresto ang mga suspek makaraang nakawan nila ng pera ang Malaysian national na si William Yeo sa Pedro Gil St. sa Manila. Dahil na rin sa CCTV record, pinag-aralan at natunton ang dinaanan ng mga sasakyan ng mga suspek hanggang madakip ang mga ito. (Ludy Bermudo)