Baby ng buntis na tumalon sa dyip patay na rin

Binawian na ng buhay ka­makalawa ang isang premature na sanggol na pwer­sahang isinilang ng kani­ yang ina na namatay ma­tapos tumalon sa isang pampasa­herong dyip sa takot na maholdap noong Dis­yembre 22 sa Tondo, Maynila.

Kinumpirma ito kahapon ng Mary Jhonston Hospital kung saan inobserbahan sa incubator ang walong bu­wang gulang na sanggol.

Una nang idineklarang patay si Jean Rose Polinar, isang tindera na residente ng Caloocan City, noong Dis­yembre 23 nang mabi­gong isalba ng mga mang­gaga­mot.

Nagawa pa umanong pa­ana­kin si Polinar, sa pama­ma­gitan ng caesarian section subalit sanhi ng internal hemorrhage ay nasawi ito.

Magugunitang natakot na maholdap si Polinar nang sumakay ang tatlong lalaki na umano’y holdaper kaya naisi­pang tumalon sa dyip.

Kasalukuyan pang pinag­ha­hanap ang isang alyas “Jason”, isang alyas “Pusa­kal” na pawang responsable sa tang­kang panghoholdap, kabilang ang nadakip na si Cedric Perez, 24, ng #1700 Canal Dela Reina, Pritil, Tondo. (Ludy Bermudo)