Chief of staff ng Solon, todas sa ambush

Nasawi ang „chief of staff ni Compostela Valley Rep. Manuel “Way Kurat” Zamora matapos na tam­ba­ngan ng mga hindi naki­lalang arma­dong suspek kaha­pon ng umaga sa Kamu­ning, Que­zon City.

Nasawi dakong alas-9:45 ng umaga sa loob ng Delgado Hospital ang bik­timang si Robert Delano matapos magtamo ng tama ng bala sa kanyang baba, ayon kay Dr. Bonnie Chua.

Sa inisyal na ulat ng Quezon City Police Dis­trict-Station 10 (Kamu­ning), pasado alas-8 ng umaga nang maganap ang pananambang sa tapat ng bahay ng biktima sa K-3rd Street, Brgy. Kamu­ning, ng naturang lungsod.

Nabatid na kasasakay lamang ni Delano sa ser­vice niyang Toyota For­tuner na may plakang 8 nang lumapit ang tatlong suspek at paputukan ito ng malapitan. 

Kaswal naman na nag­lakad patungo sa E. Rod­riguez Avenue ang mga suspek at nagawang ma­katakas sakay ng hindi pa mabatid na sasakyan.

Sinabi ni QCPD Sta­tion 10 commander, Supt. Aspirino Cabula na da­lawa sa mga suspek ang naka­suot ng puting t-shirt ha­bang ang isa ay na­kaitim na damit at may itim na bag. Mabilis namang ru­mes­ponde ang mga ta­uhan ng Special Weapons and Tac­tics Unit kung saan nare­kober ang mga bala ng ka­libre .45 na pabo­ritong gamit ng mga ba­yarang hitman.

Nabatid naman na re­gular na sinusundo ni De­lano si Zamora sa kan­yang bahay patungo sa Batasan complex tuwing umaga.

Blangko naman ang mga otoridad sa motibo ng naturang pamamaslang. Kasalukuyang kinuku­nan ng pahayag ang kanyang pa­milya at mga kasama­han sa trabaho upang ma­kakuha ng lead sa imbes­tigasyon.