Negosyante na ‘di nag-iisyu ng resibo, binalaan ni SB

Binalaan ni Quezon City Mayor Feliciano “SB” Bel­monte ang lahat ng business establish­ment owners sa lunsod na ma­ha­harap sa ka­parusahan   saka­ling mapatu­na­yang di nag iisyu ng resibo.

Ang banta ay ginawa ni Bel­monte nang ihayag na mula bukas (Agosto 20), araw ng Lunes ay sisimulan na ng lokal na pamahalaan ang paghuli sa mga negosyante na di nag-iisyu ng resibo sa mga customers at lalapatan ang mga ito ng kauku­lang parusa at multa.

Ang lokal na pamahalaan ay pagmumultahin ng hala­gang P4,000 sa unang offense ng mga violators, P5,000 second offense at pagsasara sa ne­gos­yo at revocation ng business permit.

Ang naturang hakbang ay alinsunod sa ipinatutupad na ordinance 1663 na naapruba­han ng QC council noong Marso 2006.

Kaugnay nito, inutos na ni City Treasurer Victor Endriga ang deployment ng revenue examiners sa iba’t ibang com­mercial establishment sa QC para hulihin ang mga vio­lators ng naturang ordinansa.

Sa kasalukuyan, may 60,000 hanggang 70,000 es­tablish­ment mayroon sa QC. (Angie dela Cruz)