‘Utang’ sa Porsche babayaran ni Pacquiao

Nakilahok na rin si boxing champ Manny “Pacman” Pacquiao sa vo­luntary disclosure pro­gram ng Bureau of  Cus­toms (BOC) upang ma­lutas ang usapin sa kan­yang mamahaling sa­sakyan.

Nabatid na nagpa­dala na ang abogado ni Pacman na si Jeng Gakal ng isang liham kay Customs Commissioner Napoleon Morales na nagpapahayag na handa ng magbayad ang una  ng karagdagang buwis kung kinakaila­ngan para sa kanyang sasakyang Porsche Cayenne-S  na iniimbes­ti­gahan ng BOC dahil sa napaulat na undervalued umano ito.

Iginiit naman ni Gakal na sinunod lamang ni Pacman ang proseso ng pamahalan at hindi ibig sabihin ng kanilang gi­nawa ay isang pag-amin na nagkamali ang kan­yang kliyente.

Binili ni Pacquiao ang naturang sasakyan sa Estados Unidos bago ang laban kay Erik Mo­ra­les at lumitaw sa re­cords ng BoC na nag­ka­kahalaga ito ng $25,452 kung saan ang bina­yarang buwis sa BoC ay umabot sa P1,037,000, subalit natuklasan sa website ng Porsche na ang naturang klase ng sasakyan ay $57,900 ang halaga at ang buwis nito ay aabot dapat sa P1.7 milyon.

Dahil dito kayat ina­yos muna umano ni Pacman ang  nasabing usapin bago ito muling sumabak sa kanyang susunod na laban sa Estados Unidos sa su­sunod na buwan.