Kinilala ni P/Supt. Popoy Lipana, hepe ng Cubao Police Station ang hinihinalang mga holdaper na riding -in - tandem na sina PO1 Pio H. Cervantes, 31, miyembro ng PNP District Mobil Force, Pasig City at kasamang sibilyan na si Gerald Santos, 27, ng Cainta Rizal.
Ang nadakip na dalawang suspect ay lalong nadiin sa tanggapan ni Supt. Lipana nang dumating ang naging biktima na si Mila Simborio kasama ang mga testigo na nagpatunay na hinoldap siya ng mga ito noong Marso 16 sa Araneta Center, Cubao.
Sa imbestigasyon, alas-12:30 ng madaling-araw nang madakip sina PO1 Cervantes at Santos habang magkaangkas sa motorsiklo sa P. Tuazon Blvd. Kanto ng 8th St. Cubao habang muling nag-aabang ng mabibiktima.
Kaugnay pa rin ito ng "Oplan Sita" na inilunsad ng pulisya laban sa mga kahina-hinalang mga riding-in-tandem na nagsasagawa ng mga panghoholdap sa iba’t ibang lugar sa bansa. (Lordeth Bonilla)