Namatay habang ginagamot sa Gat Andres Bonifacio Hospital ang biktimang si S/SGT Ruel Papa-an, may-asawa, nakatalaga sa 3rd Community Development Company, Civil Military Operations Batallion. Ayon sa pulisya, unang tinangay ng mga suspek bandang alas-4:00 ng hapon kamakalawa ang motorsiklo ni Axel delos Santos sa Tondo, Manila.
Kasunod nito, hinoldap ng mga suspek ang staff ng Bonanza Trucking na si Rodolfo Sevilla at tinangay ang dala nitong P44,647 na pangsuweldo sana sa mga empleyado ng naturang kumpanya.
Namataan naman umano ng biktima na nakatayo sa tabi ng kanilang service vehicle ang nagaganap na komosyon sa pagitan ni Sevilla at mga suspect.
Dahil dito, rumesponde ang sundalo subalit sa kasawiang-palad ay siya ang pinagbalingan ng mga suspect at kaagad na binaril. (Doris Franche)