Ginagamot ngayon sa National Orthopedic Hospital ang biktimang si Naps Anthony Bistal, elementary student, ng Tagaytay St., Caloocan City.
Hawak naman ng Quezon City Police District-Station 1 ang 62-anyos na suspect na si Juanito Go, ng #58 Tindido St., San Jose del Monte, Quezon City.
Sa ulat ni SPO2 Eugene Almario, nabatid na naganap ang insidente dakong alas-8 ng gabi sa tapat ng bodega na pag-aari ni Go sa may San Jose del Monte, ng naturang lungsod.
Isang putok ang pumailanlang sa naturang lugar kung saan rumesponde ang mga kagawad ng barangay at sinaklolohan ang sugatang bata na tinamaan ng bala sa kanyang kaliwang hita. Agad din namang dinakip si Go na siyang nakitang namaril sa biktima.
Sa loob ng istasyon, ikinatwiran ni Go na pinagnanakawan umano siya ng bata ng piyesa na "transmission gear" na kanyang paninda. Matigas naman ang pagtanggi nito na hindi niya binaril ang biktima bagkus ay sinita lamang niya. (Danilo Garcia)