Estudyante grinipuhan

Isang college student ang nasawi at basag ang mukha matapos pagtripang saksakin at bagsakan ng bato sa ulo ng apat na kalalakihan na pinaniniwalaang nasa impluwensiya ng droga kahapon ng madaling-araw sa Malabon City.

Hindi na umabot ng buhay sa San Lorenzo Ruiz Women’s Hospital ang biktimang si Mark Bacia, ng Espiritu Street, Barangay Tinajeros, ng nabanggit na siyudad. Hindi nabanggit sa report kung saan ito nag-aaral.

Nakakulong naman ang mga suspect na sina Alvin Dulap, 19; Ciriaco Falcutan, 19; James Guntayaon, 19 at Edwin Ogana, 26, pawang mga taga-Yanga St., Brgy. Maysilo, Malabon City.

Nabatid na namamasyal habang nag-aabang ng service vehicle ang biktima at mga kaibigan nito nang makatuwaan at pagsasaksakin siya ng mga nakaistambay na mga suspek. (Lordeth Bonilla)