Ayon sa awtoridad, dakong alas-2 ng madaling-araw nang sumiklab ang apoy sa bahay ng isang nagngangalang Violy Bautista sa Carmen Subd. sa Fairview, Quezon City.
Batay sa inisyal na pagsisiyasat, isang napabayaang kandila ang naging dahilan ng sunog na mabilis namang kumalat sa 14 pang kabahayan.
Matapos ang dalawang oras ay isang sunog din ang sumiklab sa Luzon Ave, Brgy. Old Balara, Quezon City.
Hindi pa madetermina ng mga awtoridad ang pinagmulan ng sunog na tumupok naman sa bahay ng may 25 pamilya. (Doris Franche)