Kinilala ng pulisya ang dinukot na si Amino Amen, 23, tubong Marawi City at residente ng Siangko St., Brgy. Kamuning, Quezon City.
Batay sa inisyal na imbestigasyon ng QCPD-Kamuning Police Station nagpapatrulya dakong alas-2 ng madaling araw ang biktima kasama pa ang dalawang tanod nang biglang harangin ng mga suspect sa harap ng QueenBee Bar sa T. Morato Avenue.
Apat sa mga suspect ang bumaba ng kotse at tinutukan ng baril si Amen at sapilitang isinakay sa dala nilang sasakyan.
Mabilis na pinaharurot ng mga suspect ang sasakyan dala ang biktima.
Hanggang sa sinusulat ang balitang ito ay wala pang natatanggap na tawag ang kaanak ng biktima buhat sa mga suspect.
Hindi pa rin malinaw sa pulisya kung ano ang posibleng motibo sa isinagawang pagpaslang. (Doris Franche)