Unang nakita dakong alas-6:30 ng umaga ang kaliwang binti ng lalaki na may nakaguhit pang larawan ng babae na may pangalang "Perlin". Nakabalot ito sa isang plastic bag at itinapon sa kahabaan ng J. Garcia sa panulukan ng Panay Avenue, Brgy. Paligsahan ng nasabing lungsod.
Ganap na ala-1 naman ng hapon nang matagpuan ang isa pang torso ng lalaki na nakasilid din sa isang plastic bag. May tattoo itong "Leo", "Ambet", "Egay", "Lito", "Muñoz", "Andrew" at "Bait".
Kamakalawa isa ring pinagputul-putol na katawan ng lalaki ang natagpuan na ikinalat sa nabanggit na lungsod.
Inaalam pa ng pulisya kung may koneksyon ang natagpuang dalawang chop-chop victim at kung ano ang posibleng motibo sa pagpaslang sa mga ito.
Nasa pangangalaga na ng SOCO ng QCPD ang mga natagpuang putol-putol na katawan. (Angie dela Cruz)