Ang mga sinibak sa puwesto ay ang inireklamong sina SPO4 Vicente Noriega, SPO2 Joselito dela Cruz, SPO2 Alfonso dela Cruz, PO3s Teofilo Biong Jr., Alfredo Pacoma at Jaime Salonga.
Isinama rin sa mga sinibak ang kanilang hepe na si C/Insp. Joselito Sta. Teresa dahil sa "command responsibility".
Base sa reklamo ng biktima na si Kazuaki Tomizawa, 46, ng Tokyo, Japan, dinukot siya ng mga suspect sa loob ng kanyang apartment sa #1854 Asuncion St., Valenzuela, Makati City noong Agosto 18. Dinala siya at ikinulong sa opisina ng DPIU at pinalaya lamang matapos na magbigay ng P500,000.
Sinabi ni Tomizawa na walang dalang warrant of arrest ang mga pulis at hindi rin sinabi kung ano ang kanyang pagkakasala nang dalhin ng mga suspect. Pinag-aaralan din nito ang pagsasampa ng kasong kidnapping laban sa mga pulis. (Danilo Garcia)