Kinilala ang biktima na si Bayani Jose Dignas, 18, 1st year high school student ng Lagro High School at residente ng Kamagong St., Brgy. Commonwealth, Quezon City.
Sa inisyal na ulat ng pulisya, nadiskubre ang bangkay ng biktima sa loob ng inuupahan nitong kuwarto bandang alas-6 ng hapon gamit ang isang kulay dilaw na nylon cord na ipinulupot sa leeg nito.
Nabatid na hindi umano magkasundo ang biktima at amain nito at dahil dito ay nagpa-ampon ito sa isang hairdresser na nakilalang si Rowan Feliciano.
Natagpuan sa kaliwang bulsa ng pantalon ni Dignas ang isang suicide note na nakasaad nang paghingi ng tawad sa kanyang ina at lola.
Hiniling din nito na makadalo sa kanyang libing ang kanyang mga kaibigan, kaklase, mga naging guro at higit sa lahat ang kanyang nobya na hindi nakuha ang pangalan.
Nabatid sa pagsisiyasat ng pulisya, na bukod sa problema sa pamilya nabatid din na nagkakalabuan ang biktima at kasintahan nito na posibleng nakadagdag sa alalahanin ng binata kaya nagpasya itong kitlin ang sariling buhay. (Doris Franche)