Kinilala ang suspect na si PO2 Ricardo Puno, 43, miyembro ng Las Piñas police at nasa order of battle ng Philippine Drugs Enforcement Agency (PDEA).
Sa ulat, nadakip ang suspect ng mga kagawad ng San Juan police dakong alas-5 ng hapon sa loob ng kanilang bahay sa #22 P. Road 10, Brgy. West Crame, ng nasabing bayan.
Napag-alaman na isang impormante ang nag-tip sa kinauukulan na nagpunta doon ang suspect upang magtago.
Si Puno ay may anim na warrant of arrest sa Las Piñas Regional Trial Court (RTC) Branch 225 dahil sa kasong drug pushing at pag-iingat sa droga noong nakaraang taon. (Edwin Balasa)