MMDA vs MQA napipinto

Tila nagsisimula na ang labanan sa pagitan ni Metro Manila Development Authority (MMDA) chairman Bayani Fernando at ang isinusulong na Metro Quezon Authority (MQA) matapos na aprubahan kamakailan ng Quezon City Council ang resolusyon upang hikayatin ang Kongreso na itatag ang naturang authority.

Nabatid na malakas ang suporta ng konseho kay QC Mayor Feliciano Belmonte upang maging unang governor ng MQA sakaling lumusot sa Kongreso.

Layunin ng MQA na paunlarin ang anim na eastern areas ng Greater Metro Manila na kinabibilangan ng QC, San Jose del Monte, Rodriguez (Montalban), San Mateo, Marikina at Antipolo.

Uunahin ng MQA ang problema sa basura at trapiko. (Doris Franche)