Ang biktima na itinago sa pangalang Sonia ay 4-na-buwan nang buntis kung kaya’t nadiskubre ang halinhinang panggagahasa dito ng tiyuhing si Cipriano Morales, 45; at pinsang si Mario Basubay, 20.
Sa pahayag ng biktima kay PO3 Lilibeth Aguilar ng Novaliches Police Station, una siyang hinalay ni Morales noong Nobyembre sa kanilang bahay sa Nicasio St., Villareal Subd., Brgy. Gulod, Novaliches.
Makaraan ang ilang araw, sumunod namang gumahasa sa kanya ang pinsang si Basubay. Mula noon ay paulit-ulit na siyang ginahasa ng dalawa.
Dala naman ng matinding takot, hindi nagawang magsumbong ng biktima sa ina hanggang mapansin ang unti-unting paglaki ng tiyan nito.
Dito na sinabi ng biktima ang ginawang panghahalay sa kanya ng dalawang suspect.
Sinabi ng pulisya na isinampa na nila ang kasong rape sa korte. (Ulat ni Doris Franche)