Nakilala ang biktima na si Pablo Hernandez, 41, kolumnista ng pahayagang Bulgar at residente ng Valenzuela City. Nagtamo ito ng dalawang saksak ng balisong sa kanyang likuran.
Agad namang naaresto ng pulisya ang suspect na si Joel Redoca, 34, ng Brgy. Pinagtipunan Gen. Trias, Cavite.
Sa ulat ng pulisya, naganap ang pananaksak ng suspect sa biktima kahapon dakong alas-4 ng madaling-araw sa loob ng Pocket Billiard sa Quezon Avenue.
Kasalukuyan umanong nagbibilyar si Hernandez sa naturang establisimento nang mag-ring ang cellphone nito.
Agad na sinagot ng biktima ang tawag pero hindi niya akalain na kasabay nito ang mabilis na paglapit ng suspect at agad siyang inundayan ng dalawang saksak sa likuran.
Sa interogasyon ng pulisya, inamin ng suspect na siya ay binayaran umano ng halagang P20,000 para patayin ang kolumnista. (Ulat ni Angie dela Cruz)