Ayon kay AVE Rep. Amang Magsaysay, hindi na pera ang hinihingi ng ilan sa mga nagbibigay ng serbisyong sekswal kundi gramo ng shabu.
Sinabi pa ni Magsaysay na depende pa anya ito sa kartada ng naglalako ng laman ang dami ng shabu na ibinabayad ng parukyano.
Anya, hindi na dapat magningas-kugon ang PNP sa operasyon laban sa paghuli sa mga nagbebenta ng aliw, partikular na sa kahabaan ng Quezon Ave. sa Quezon City.
Ayon pa kay Magsaysay na hanggang ngayon ay hindi pa rin nahuhuli ang mga babaeng tumatambay gabi-gabi sa nasabing lugar na karamihan umano ay mga menor-de-edad at lantarang ibinebenta ng mga bugaw sa mga sasakyang dumadaan.
Nanawagan rin si Magsaysay sa mga alkalde sa Metro Manila na gumawa ang mga ito ng konkretong paraan para hulihin itong mga babae at bugaw sa kanilang mga nasasakupang lugar. (Ulat ni Malou Rongalerios)