Batay sa kautusang ipinalabas ni Immigration Commissioner Alipio Fernandez, Jr., isinailalim sa 90-day suspension order si Atty. Eleuterio Balina ng BI Law and Investigation Division base na rin sa rekomendasyon ng fact-finding committee.
Kasabay nito, sinampahan din ng kasong grave misconduct at conduct prejudicial to the interest of the service si Balina makaraang makakita ng prima facie evidence ang committee na humingi at tumanggap ito ng mahigit na P800,000 mula sa mga nasabing deportees kapalit ng pangakong aayusin ang kanilang kalayaan.
Gayunman, sinabi ni Fernandez na ang suspensiyon ni Balina ay preventive lamang dahil idadaan pa ito sa isang pormal na imbestigasyon na isasagawa naman ng administrative division ng BI. (Ulat ni Gemma Amargo)