Nakilala ang mga dinakip na sina Erick dela Peña, 26; Reynaldo de Guzman, 49; David Estuyo, 40 at ang hepe ng mga ito na si Col. Jerry Horlador ng LTO deputized agents ng LTO Pasay City.
Ang apat ay inireklamo ng apat na driver kabilang dito si Franklin Biu, 48, ng Makati City.
Ayon sa mga nagreklamong driver, humihingi ang mga nabanggit na LTO officials ng P1,500 mula sa bawat isa sa kanila maliban pa sa buwanang komisyon mula sa mga kolorum na drivers.
Dahil dito, nakipag-ugnayan ang mga biktima sa Presidential Anti-Organized Crime Commission (PAOCC) na agad namang nagtakda ng isang entrapment operation kamakalawa ng hapon.
Sa pangunguna ni Atty. Eduardo Villena, hepe ng legal division ng PAOCC huling-huli sa akto ang mga suspect sa pagtanggap ng halagang P3,000 marked money mula sa mga nagreklamong driver kaya’t agad na dinampot ang mga ito. (Ulat ni Anna Sanchez)