Bumaon ang kutsilyo at nagsugat ang leeg ng biktimang si Rommel Cordero makaraang i-hostage siya ng kanyang sariling ina na nakilalang si Rochelle Cordero, ng nabanggit na lugar.
Nabatid mula sa isinagawang imbestigasyon ng WPD-General assignment Section naganap ang insidente dakong alas-8:30 ng umaga sa loob ng bahay ng mga ito.
Lumalabas na narindi umano ang suspect sa ginagawang pangungulit ng kanyang anak para bumili ng sitsirya sa tindahan.
Tuluyan nang naaburido ang ina sa ginawang pangungulit ng anak kaya hinostage niya ito at tinutukan ng kutsilyo sa leeg.
Nang makita umano ni Joel Diaz, 26, live-in partner ang ginawa ng suspect ay tinangka niya itong awatin subalit parang wala na sa sarili at lalo pang ibinaon ang patalim sa leeg ng anak.
Mabilis namang nakapagresponde ang pulisya na nang makita ng suspect ay agad nitong inihagis ang hawak na patalim kaya siya nadakip ng mga awtoridad.
Nabatid na anak umano sa unang asawa ng suspect ang hinostage na biktima. Hindi umano nagbibigay ng sustento ang ama ng bata kaya ito ay napagdiskitahan ng suspect. (Ulat ni Grace dela Cruz)