Kinilala ni Senior Supt. Erasto Sanchez, hepe ng Muntinlupa City Police ang biktimang si Antonio Uyjioco, biyudo ng 114 Plainview St., Diamond Park, Victoria Homes, Barangay Tunasan ng lungsod na ito. Nagtamo ito ng maraming tama ng bala sa iba’t ibang bahagi ng katawan buhat sa hindi pa batid na kalibre ng baril.
Samantala, patuloy pang pinaghahanap ang hindi pa nakikilalang mga salarin na mabilis na nagsitakas matapos ang isinagawang krimen dala ang hindi pa batid na halaga at mga alahas ng biktima.
Patuloy pa rin ang isinasagawang imbestigasyon ng pulisya ukol dito. (Ulat ni Lordeth Bonilla)