Namatay noon din ang biktima na nakilalang si Ang Chua Hua, ng Binondo, Tambakan St., ng nabanggit na lungsod.
Samantala, agad namang naaresto sa isinagawang follow-up operation ang suspect na si Eddie Andaya, 32, nakatalagang guard sa Kim She Temple.
Base sa ulat, dakong ala-1:30 ng madaling araw nang maganap ang insidente sa harap ng Kim She Temple.
Napag-alaman na mag-isang naglalaro ng billiard ang suspect nang biglang dumating ang biktima na nagbitiw nang masasakit na salita sa una.
Dahil dito, nagkaroon umano nang mainitang pagtatalo ang dalawa hanggang sa hampasin ng tako ng billiard ang suspect subalit nakailag ito.
Dahil sa galit agad na binunot ng sekyu ang kanyang baril at pinaputukan ang biktima na tinamaan sa ulo at naging dahilan ng agaran nitong kamatayan. (Ellen Fernando)