Kinilala ng pulisya ang mga suspek na sina Rogelio Morados, 32, mekaniko, Zaldy Taboada,35 kapwa ng Welfareville Cmpd., Brgy. Addition Hills, Mandaluyong City. Samantala, sina Jacky, 16, at Joel, 15, ng Nueve de Pebrero ng nasabing lungsod ay nahuli sa aktong nagbabayad ng pekeng pera sa isang video shop.
Ayon sa ulat ni P/Insp. Rommel Labalan, deputy commander ng Police community Precint-2, nabisto umano ni Irene Buenaobra, may-ari ng nasabing tindahan na peke ang iniaabot na dalawang pirasong tig-P500.00 nina Jacky at Joel matapos silang mamili ng CD na nagustuhan nila.
Dahil dito, mabilis na pinagbigay alam ng biktima sa pulisya ang ginawa ng dalawang binatilyo.
Gayunman,kinanta ng dalawa sina Taboada at Morados na pinanggalingan umano ng pekeng pera. (Ulat ni Danilo Garcia)