Namatay habang nilalapatan ng lunas sa loob ng Amang Rodriguez Medical Center ang biktimang si Ramises Tongco, estudyante ng San Lorenzo Ruiz Elementary School ng Blk. 35 Lot 49 Phase 2 C1 Karangalan Rd., Karangalan Village, Brgy. Manggahan, Pasig.
Sa ulat ni PO1 Joseph Ulep, naganap dakong ala-1:10 ng hapon sa playground. Naglalakad pauwi ang biktima kasama ang kaklaseng si Michael Breiva nang ilang bato ang tumama sa bag nito.
Nang lingunin nila ay nakita ang suspect na si Onin (di tunay na pangalan), 12, na siyang nambato sa kanila. Dito nilapitan ng biktima ang suspect hanggang sa magkasuntukan ang dalawa.
Binanggit naman sa pulisya ni Breiva na nakita umano niyang nagbunot ng patalim ang suspect na si Onin at sinaksak si Tongco sa katawan. Agad tumakas ang suspect pauwi matapos ang insidente.
Inaasahan naman na dadalhin sa pangangalaga ng lokal na Department of Social Welfare and Development ang suspect dahil sa pagiging menor-de-edad nito. (Ulat ni Danilo Garcia)