Dead-on-arrival nang isugod sa Parañaque Medical Center ang biktimang si Edgar Ibañez, tubong Surigao del Norte, nakatira sa Brgy. Upper Sucat ng lungsod na ito.
Samantala, ang tatlo pang sugatan ay nakilalang sina Randy Rojo, Ronald Sitoy alyas "Loloy", 19; at Edwin Ibañez, na pawang nilalapatan ng lunas sa nabanggit na pagamutan sa Muntinlupa City Medical Center.
Ayon sa inisyal na imbestigasyon ni SPO2 Billy Malarasta ng Police Community Precinct 3, Muntinlupa City Police, naganap ang insidente dakong alas-11:30 kahapon ng umaga sa Brgy. Upper Sucat, Muntinlupa City.
Nabatid na napulot lamang umano ni Sitoy ang nasabing granada sa labas ng kanilang bahay.
Napag-alaman na nilaro umano nito ang napulot na granada na naging dahilan ng pagsabog.
Dahil dito, nasabugan ang mga biktima na ikinasawi ni Ibañez. (Ulat ni Lordeth Bonilla)