Nag-amok dedo sa pulis

Isang 36-anyos na amok ang nabaril at napatay ng mga nagrespondeng tauhan ng pulisya, kamakalawa ng gabi sa Novaliches, Quezon City.

Nakilala ang nasawi na si Rolando Niegas, ng Brgy. Sauyo, Novaliches.

Nabatid sa pulisya na naganap ang insidente dakong alas-6:30 ng gabi hindi kalayuan sa bahay ni Niegas nang bigla na lamang itong magwala at naghamon ng away dala ang isang sumpak.

Ilang tauhan ng pulisya ang nagresponde sa tawag ng mga residente dito para awatin ang nasawi, subalit hindi ito tumigil sa pagwawala hanggang sa paputukan na ng mga tauhan ng pulisya.

Si Niegas ay nasawi habang isinusugod sa pagamutan. Hindi naman mabatid kung bakit bigla ang pag-aamok nito. (Ulat ni Angie dela Cruz)