Nahaharap ngayon sa kasong rape ang suspek na nakilalang si Rodolfo Dalida, 48, may asawa, ng Blk. 10 Lot 12, Villa Pangarap, Bgy. Talon, ng nabanggit na lungsod.
Samantala, ang biktima ay itinago sa pangalang Nanneth, ng Laong Compound, Pilar Village, Las Piñas City.
Base sa pahayag ng biktima sa pulisya, ang insidente ay naganap noong Nobyembre 16, 2000. Sinundo umano siya ng suspek sa kanyang tinutuluyan at isasama sa pinagtatrabahuhan nitong pabrika ng ice cream sa Bacoor, Cavite.
Sumama ang dalagita at hindi niya sukat akalaing dadalhin siya sa bahay nito sa nabanggit na lugar at dito isinagawa ang panghahalay.
Pagkatapos pa ng dalawang araw ay naglakas-loob na nagsumbong ang dalagita sa mga awtoridad at mabilis na nadakip ang suspek. (Ulat ni Lordeth Bonilla)