Si Stephane Legrand, tubong France at pansamantalang nanunuluyan sa isang apartment sa 476 Sta. Monica st., Ermita ay nadiskubreng patay ng kanyang umano'y lover na nakilala lamang sa pangalang Mrs. Fernandez makaraang puwersahing buksan nito ang pintuan ng tinitirhan ni Legrand dakong alsa-6 ng gabi dahil sa walang sumasagot sa telepono makaraang tawagan niya ang huli.
Si Legrand na umano'y isang drug dependent ay nakitang nakahandusay sa sahig na may nylon cord sa leeg. Hinihinalang nagbigti ito subalit nakalas ang tali sa kisame kaya't ito ay bumagsak sa sahig.
Ayon naman kay Edmundo Cabal, officer on case, mayroong problemang pinansiyal ang biktima makaraang mabatid na ilang buwan ng hindi nakakapagbayad ito ng renta sa inuupahang apartment. (Ulat ni Ellen Fernando)