Hulyo 7, 2004

CANCER (Hun. 22-Hul. 22) – Ang mangyayari ay pabor sa iyong panig. Kung mag-a-apply ng trabaho ay matatanggap lalo kung lalakarin sa umaga. Kung may nasimulan, matatapos ito nang walang sagabal.Walang magiging problema sa tahanan at pinapasukan. Lucky numbers at color of the day ang 6-8-13-39 at emerald green.

LEO (Hul. 23-Ago. 22) – Magiging daan sa pagbabati ng miyembro ng pamilya o kasamahan na nagkaroon ng di-pagkakaunawaan. Maganda ang pasok ng pananalapi. Magkakaroon ng sideline na kikita. May kaibigang magdiriwang subalit hindi makakadalo. Lucky numbers at color of the day ang 13-19-37-45 at light blue.

VIRGO (Ago. 23-Set. 23) – Tiyaking hindi mawawala ang tiwala ng nakatataas sa pinapasukan. Mag-ingat dahil may taong naiinggit sa iyong tagumpay. Walang problema sa pinapasukan subalit magkakaroon ng gusot sa tahanan. Lucky numbers at color of the day ang 5-16-22-42 at orange.

LIBRA (Set. 24-Okt. 23) – Magkakaroon ng katunggali at masusubok ang iyong kakayahan. Maaaring magkaroon ng diskontento sa pinaglilingkuran dahil sa iyong performance o dahil sa tsismis. Mag-ingat dahil may nagbabalak na ikaw ay sirain o may posibilidad na sinisiraan ka na. Lucky numbers at color of the day ang 3-7-12-44 at white.

SCORPIO (Okt. 24-Nob. 22) – May susubok sa iyong pagtitimpi. Ngayon higit na dapat pairalin ang kahinahunan. Huwag mainip sa paghihintay sa kausap dahil maaantala itong darating. Bibigyan ng kaligayahan ng isang Virgo subalit kabaligtaran naman ang ibibigay ng isang Aries. Lucky numbers at color of the day ang 5-12-15-36 at aquamarine.

SAGITTARIUS (Nob. 23-Dis. 21) – Makikilala ang taong may lihim na pagtingin na hindi aakalain na siya pala. Pag-isipang mabuti ang pagsali sa grupo upang hindi magsisi. Maging praktikal. Lucky numbers at color for the day ang 5-19-27-35 at silver gray.

CAPRICORN (Dis. 22-Ene. 19) – Magkakaroon ng pagtatalo tungkol sa pera. Nakatakdang magkaroon ng problema sa karelasyon na dapat ayusin kaagad upang hindi lumala. Huwag idaan sa galit o init ng ulo ang pagresolba ng problema. Diplomasya ang kailangan. Lucky numbers at color of the day ang 8-18-28-30 at orange.

AQUARIUS (Ene. 20-Peb. 18) – Sa kabila ng kabiguang naranasan, mapapaunlad ang karunungan. Magkakaroon ng dagdag-kaalaman sa nagdaang pagkakamali. Huwag matakot makipagsapalaran sa negosyo dahil uunlad kung sisimulan ngayon. Lucky numbers at color of the day ang 12-19-22-37 at dollar green.

PISCES (Peb. 19-Mar. 20) – Ipagpaliban ang binabalak sa pagbabago ng kabahayan o opisina. May balakid sa larangan ng pag-ibig ngayon. Kung may asawa, malamang pagdudahan o siya ay may nadaramang pagkaakit sa iba. Lucky numbers at color of the day ang 58-28-35-39 at avocado green.

ARIES (Mar. 21-Abr. 19) – Puno ng enerhiya at maliksi ang katawan subalit mananaig ang katamaran. Ngayon dapat harapin ang pag-aayos tungkol sa negosyo, sa trabaho o tahanan kaya paglabanan ang pagkatamad. Lucky numbers at color of the day ang 7-23-34-41 at oak brown.

TAURUS (Abr. 20-May 20) – Handang makiisa ang pamilya sa layunin o binabalak. Malamang magkaroon ng bagong tagahanga. May magtatangkang makialam sa iyo. Isang Aries ang magbibigay ng kasiyahan. Lucky numbers at color of the day ang 2-22-30-42 at tan.

GEMINI (May 21-Hun. 21) – Diplomasya ang kailangan sa araw na ito. Malamang magkaroon ng tensyon sa pagitan ng kapitbahay o kasamahan dahil sa hindi pagkakaunawaan. Kung magiging mahinahon, maunawain at madiplomasya ang paiiralin, maraming hahanga sa gagawin. Lucky numbers at color of the day ang 17-27-30-41 at electric blue.