Horoscope

ARIES (Mar. 21-Abr. 19) – Maayos ang samahan sa pagitan ng mga kaibigan at kasamahan sa trabaho. Marami ang umaasa sa iyong magagawa ang nakaatang sa iyong balikat. Huwag matakot magsabi ng tunay na saloobin. Lucky numbers at color of the day ang 9-18-21-39 at scarlet.

TAURUS (Abr. 20-May 20) – Dobleng ingat at huwag basta magtiwala sa taong may A, W at Z ang unang titik ng pangalan. Magbibigay ng suwerte o kagalakan ang taong may unang titik na C, E at M ang pangalan. Bigyang-pansin ang kalusugan dahil madaling makapitan ng sipon at ubo. Lucky numbers at color of the day ang 6-18-32-45 at yellow.

GEMINI (May 21-Hun. 21) – May ilang pagbabago sa aspeto ng pag-ibig dahil hindi pa tiyak ang sariling damdamin. Mabubulgar ang matagal nang bumabagabag na sikreto o may makakatuklas. Mapagtutuunan ng pansin ang pinag-ugatan ng maling balita o pangyayari. Lucky numbers at color of the day ang 2-6-23-36 at red.

CANCER (Hun. 22-Hul. 22) – Ang maririnig na kapintasan at kahinaan ng minamahal ay tsismis at walang katotohanan at paraan lamang para ikaw ay manlamig. Ang makipagtikisan sa nakatataas ay sarili ang mahihirapan. Lucky numbers at color of the day ang 2-6-23-36 at red.

LEO (Hul. 23-Ago. 22) – Iwasang magbalak na pumasok sa mga aktibidad na magastos. Suriing mabuti ang kakayahan upang hindi mapasubo at walang pagsisihan. Mag-ingat dahil may babalang mawala. Lucky numbers at color of the day ang 21-24-34-44 at green.

VIRGO (Ago. 23-Set. 23) – Mapagtutuunan ng pansin ang kalusugan at pag-aayos ng tahanan. Isaayos at magplano sa mga dapat gawin. Pag-aralan ang aspetong pang-ekonomiya ng pamilya. Lucky numbers at color of the day ang 5-8-31-43 at brown.

LIBRA (Set. 24-Okt. 23) – Positibo ang magiging pananaw at magsisimula ang masagana at masayang araw. Maisasakatuparan ang pangakong binitiwan. Masaya ang samahan ng pamilya. Huwag kalimutan ang magpasalamat sa Diyos sa tinatamasang biyaya. Lucky numbers at color of the day ang 3-17-33-43 at red.

SCORPIO (Okt. 24-Nob. 22) – May pag-uusapan tungkol sa lumalabong relasyon, pagsasama o negosyo. Hinahon ang kailangan sa pagresolba ng suliranin. Mapapadagdag sa problema ang perang hiniram na hindi mababayaran. Lucky numbers at color of the day ang 9-18-39-44 at indigo.

SAGITTARIUS (Nob. 23-Dis. 21) – Mapapatunayan na naman sa sarili na may mga taong mangangako na hindi marunong tumupad. Kung hindi makakapagpigil, makakasagupa ng taong di-pinangarap makabangga. Lucky numbers at color for the day ang 2-12-28-44 at white.

CAPRICORN (Dis. 22-Ene. 19) – Maisasakatuparan ang gustong mangyari ngayon. Malakas ang ESP kaya sundin ang kutob at tiyak hindi magkakamali. Magbibigay ng suwerte ang isang Virgo o Gemini. Lucky numbers at color of the day ang 2-12-28-42 at blue.

AQUARIUS (Ene. 20-Peb. 18) – Magiging maganda ang aspetong pinansyal. Magkakaroon ng pagkakataong kumita ng ekstrang salapi. May kaunting kalituhang mangyayari sa schedules ngayon ngunit maisasaayos din ito sa bandang hapon. Lucky numbers at color of the day ang 5-10-22-42 at orange.

PISCES (Peb. 19-Mar. 20) – Aanihin ngayon ang anumang itinanim. Babalik kung ano ang ginawa. Supilin ang sobrang mapaghinala sa kapareha o kapwa. Maraming dapat pasalamatan sa biyayang tinatamasa. Lucky numbers at color of the day ang 4-14-15-38 at violet.