Agosto 19, 2003

LEO (Hul. 23-Ago. 22) – May kalituhan ngayon kaya dapat isiping mabuti kung ano ang gustong gawin. Isa-isahin ang hakbang hanggang makamit ang gusto. Konsultahin ang kaibigan, kasambahay o magulang tungkol sa binabalak kung may pag-aalinlangan. Lucky numbers at color of the day ang 12-24-36-42 at violet.

VIRGO (Ago. 23-Set. 23) – Kabaligtaran ang mangyayari sa inaasahan. Dahil sa taas ng pride, hindi magpapatalo kahit wala sa katwiran. Tanggapin kung alam na nagkamali. Lucky numbers at color of the day ang 12-24-36-42 at violet.

LIBRA (Set. 24-Okt. 23) – Magandang balita ang matatanggap at tiyak masaya sa buong maghapon. Isang Aries ang magbibigay-kasiyahan. Mag-ingat sa Scorpio o Capricorn dahil magbibigay ng problema o kalungkutan. Lucky numbers at color of the day ang 4-13-25-31 at burgundy.

SCORPIO (Okt. 24-Nob. 22) – Kung may problema, piliting lutasin na mag-isa dahil walang tulong na maaasahan mula sa iba. Huwag igiit ang gusto dahil magiging mali ang iyong opinyon. Maaaring ang hindi nakakatakot sa iba ay hindi naman para sa iyo. Lucky numbers at color of the day ang 6-18-24-39 at silver.

SAGITTARIUS (Nob. 23-Dis. 21) – Pairalin ang isip at hindi ang emosyon. Balansehin ang puso at isip upang makamit ang gusto. Iwasang magkaroon ng di-pagkakaunawaan dahil hahantong ito sa matagalang tampuhan. Lucky numbers at color of the day ang 2-20-34-41 at golden brown.

CAPRICORN (Dis. 22-Ene. 19) – Pinakamabisang paraan upang mapaglabanan ang takot ay magkaroon ng positibong isip. Tiwala sa sarili ang kailangan ngayon. Kahit ano ang mangyari, magiging maayos ang resulta ng ginagawa kung may tiwala sa sarili. Kayang harapin ang suliranin. Lucky numbers at color of the day ang 7-19-25-34 at lime green.

AQUARIUS (Ene. 20-Peb. 18) – Maging tapat at huwag itago ang tunay na nararamdaman. Kung nalulungkot o nasaktan, walang dahilan para magkunwaring masaya. Hindi kailanman mabuti ang mabuhay sa pagkukunwari dahil walang ibang niloloko kundi ang sarili. Lucky numbers at color of the day ang 8-12-30-42 at chocolate brown.

PISCES (Peb. 19-Mar. 20) – Manatiling mahinahon at kalmado. Sa labis na pagkataranta o pagmamadali, lalong magdudulot ng kaabalahan o kapalpakan. Ayusin ang suliranin sa maayos na paraan. Mareresolba ang taglay na problema. Lucky numbers at color of the day ang 4-10-26-30 at strawberry red.

ARIES (Mar. 21-Abr. 19) – Isang tawag ang magpapasaya at magpapaganda ng mood. Huwag mahiyang magsabi kung may problema. Lalong hahangaan kung magiging tapat at bukas. Ang sikreto ay malamang mabulgar. Lucky numbers at color of the day ang 10-23-34-40 at jade green.

TAURUS (Abr. 20-May 20) – Ang akala na kay hirap nakatakdang gawin pag nasimulan ay kay dali lang pala. Huwag nang sayangin ang oras sa pag-iisip. Simulan ang trabaho at magiging masaya ang bawat saglit na gugugulin. Maipapakita ang kahusayan sa paggawa at hahangaan. Lucky numbers at color of the day ang 8-16-23-37 at orange.

GEMINI (May 21-Hun. 21) – Ang gawain ay tiyak maganda ang magiging resulta. Iwasan ang katarayan dahil sa halip na maging kaibigan ay siya pang magiging kaaway. Kung ayaw masangkot sa anumang gulo, iwasan ang tsismisan. Lucky numbers at color of the day ang 13-16-39-40 at yellow green.

CANCER (Hun. 22-Hul. 22) – Marunong ngayong makisama at mapagbigay. Ang ugaling ito ang gusto ng mga kaibigan. Panahon ng pagbabago ng ugaling masungit, makasarili at tsismosa. Lucky numbers at color of the day ang 8-23-35-40 at white.