3 months wa’y kumunikasyon

Dear Tita Salie,

Hello! Good morning. Just call me Rizza, 18 years of age. My problem is about my lovelife. Duna ko’y boyfriend nga tua sa ilang probinsiya kay nag-study pa man siya. Ako ania sa Cebu nagtrabaho ug two years na ang among relasyon. Apan three months na nga wala mi kumunikasyon kay naguba kuno ang iyang cellphone. But last namo nga text, ako siya nga gibulagan. Karon, Tita Salie, mikontak siya’g balik nako ug nihangyo nga makigbalik kay love pa kuno ko niya. Tinuod kaha ang iyang gugma diri nako? Unsa’y akong angay buhaton? Palihog pasabta ko.

Hi Rizza,

Normal lang sa usa ka managhigugmaay, nga usahay, dili magkasinabtanay ug usahay sama sa inyong sitwasyon, misangpot sa panagbulag. Ug nahitabo kini basin tungod sa sobra nga kainit sa inyong paghisgot sa isyu nga misangpot sa panaglalis. Pero hinumdomi, Rizza, nga ang kasulatan sa Miqueas 7:18 nagaingon: “Ang Diyos nagapasaylo sa kasaypanan ug nagapalabay sa kalapasan”. Dili ba gitudloan kita sa paghimo niini? Unsaon nimo pagkahibalo kun dili nimo sulayan. Pero ikaw ang modesisyon niini. – Tita Salie