Jezebel - Gula 173
Nianang pagkahapon, sayo nga mipauli si Mrs. Elvira Lim. Diha ko sa lagwerta sa balay sa ilang pag-abot. Nangguna ko sa mga sagbot nga mihana na’g tabon sa gagmay pa nga mga tanom sa harden.
Midiretso si Mrs. Lim pagsulod sa balay. Samtang si Red nagpahimutang sa sakyanan didto sa garahe. Pagkahuman, miduol siya sa akong nahimutangan. Iya ko’ng gipakigsultihan.
“Magpalahi ta karong gabii, Jezebel,” nagkanayon si Red.
“Naunsa ka diha?” Misikmat ko.
“Dili ko mosulod sa imong kuwarto karong gabii. Pero gusto ko nga ikaw na usab ang moadto sa akong katulganan, sa akong kuwarto.”
“U-unsa?” Misinta ko.
“For a change, ba. Mas maayo didto sa akong kuwarto kay bisan unsa pay atong buhaton way makatugaw. Wala tay kabalak-an nga may makadungog sa atong hangos ug agumod.”
Wala ko motingog.
“Magpaabot ko nimo didto sa akong kuwarto unya’ng gabii, ha?” ni Red pa dayong biya niya sa akong nahimutangan.
Niana’ng pagkagabii, wala ko makatulog sa akong kuwarto sa servants quarter.(Sumpayan)
- Latest
